10 Artistet më me Influence ne Shqiperi

1. Adelina Ismajli

Nëse ka një këngëtare në Shqipe që meriton të quhet “Pop Icon” është pikërisht Adelina. E kopjuar nga të gjithë, me provokimet dhe tendencat e saj për t’i sjellë publikut shqiptarë atë çka gjithmonë është dukur si e paarritshme,

Adelina i ka bërë t’ju bjerë goja në tokë shumë njerëzve. Kur shumica e këngëtarëve të sotëm, ishin ende në shkollë të mesme dhe e ndiqnin nëpërmjet televizorit, këngëtarja kërcente me publikun e “Festivalit të Këngës në RTVSH”, u zhvesh në skenën e tij dhe i dërgoi një “F.U” të madhe serbëve dhe rusëve. Ajo tashmë është shndërruar në masën kryesore të matjes së famës në Shqipe, dhe në forume, ku gjithmonë suksesi i një këngëtareje të re peshohet me suksesin e Adelinës.

2. Ardit Gjebrea

Influenca e Arditit në tregun muzikor shqiptar është më se e kuptueshme. Përveçse këngëtar dhe kompozitor, Arditi ka nën firmën e tij një spektakël të përjavshëm dhe festivalin më të suksesshëm në Shqipe. Mjafton që të ketë dëshirë të bëj dikë të njohur dhe… abrrakadabrra!

Rasti më i fundit është ai i Juliana Pashës, e cila, pavarësisht se mjaft e njohur në qarqet muzikore, nuk gëzonte të njëjtin sukses në publikun shqiptar. Sot, një Eurovizion më vonë, Juliana është një prej këngëtareve më të njohura në vend, pritet të realizoj një album të ri dhe pretendente për çmimin e madh të edicionit të ri të “Kënga Magjike”. The Power of Gjebrea!

3. Flori Mumajesi

Pyet çdo këngëtar me kë do të bashkëpunojë dhe nga të gjithë do të dëgjosh se duan të bëjnë këngë me Florin. Nëse dikush nuk të thotë kështu, ndodh pasi mund të jetë refuzuar nga Mumajesi
Arsyeja që është kaq i kërkuar, ka të bëjë me faktin se pothuajse çdo këngë e tij shndërrohet në hit. Flori i njeh mirë kërkesat e publikut shqiptar dhe gjithmonë i servir atë që kërkon për momentin. Ndryshueshmëria në ritmet muzikore dhe shumëllojshmëria e gjinive muzikore, në të cilat ai kompozon, e kanë veçuar atë nga kompozitorët e tjerë. Gjithashtu, ai njihet për “syrin” e mirë në spikatjen e talenteve të reja, duke bërë të suksesshëm shumë prej këngëtarëve të rinj në Shqipe.

Adelina dhe Geti ndër dhjetë artistët më me influencë në Shqipëri

Suplementi SH2 i gazetës Shekulli ka përpiluar një listë me dhjetë artistët të cilët konsiderohen se kanë ndikim më të madh në Shqipëri.

Listës me titullin “Dhjetë artistët më me influencë në Shqipëri” i prin diva e muzikës kosovare, Adelina Ismaili, që sipas përshkrimit është “kopjuar nga të gjithë, me provokimet dhe tendencat e saj për t’i sjellë publikut shqiptar atë çka gjithmonë është dukur si e paarritshme”, ndërkohë që “gjithmonë suksesi i një këngëtareje të re peshohet me suksesin e Adelinës”.

Në listë është përfshirë edhe reperi nga “Tingulli i 3nt”, Getoar Selimi, i cili konsiderohet si njëri prej krijuesve më të mirë dhe më të suksesshëm të hip-hopit shqiptar. Ai po ashtu shërben si shtytës për shumë artistë, të cilët dëshirojnë të “merren më seriozisht” nga publiku dhe që kërkojnë një rikthim në karrierën muzikore apo të thyejnë pak monotoninë e ritmeve të tyre.

Çifti i njohur kosovar, Armendi dhe Aida, janë po ashtu pjesë e kësaj liste duke qenë se “të gjithë në Kosovë e dinë, se kur duan të realizojnë një këngë me tekst dhe muzikë perfekte, duhet të drejtohen tek Armendi dhe Aida”, duke qenë se ata vazhdojnë të mbeten kreativë dhe profesionalë në të dyja anët e kufirit.

Ndërkohë, listën prej dhjetë artistëve më me ndikim në Shqipëri e plotësojnë: Flori Mumajesi, Ardit Gjebrea, Besa Kokëdhima, Aurela Gaçe, Elvana Gjata, Fadil Berisha dhe dyshja Edmond Zhulali & Adrian Hila. /Telegrafi/

Read more »

SHERRET MES KENGETAREVE

Janë këngëtarë të fam shëm, të bukur e të talentuar, por dhe shumë kapriçoz, te kanjoz dhe me raste dhe deri në agresivitet. Shumë prej tyre janë të famshëm, jo vetëm për këngët që shpesh herë entuziazmojnë publikun, por dhe sherret e përfolura që kanë pasur mes tyre. Disa kanë qenë thjesht verbalë, me kunja dhe thumba të kombinuara e ndërthurura nëpër këngët e tyre, por ka pasur dhe nga ata më të dhunshmit, që nuk kanë kursyer aspak edhe grushte, e në këtë kategori nuk futen vetëm meshkuj... Kështu, këngëtarët e muzikës shqiptare, si të asaj brenda kufijve shqiptarë, ashtu dhe ata në trojet kosovare, kanë shkaktuar dhe ata skandale dhe sherre për t’u pasur “zili” edhe nga VIP-at ndërkombëtarë, të cilët këtë mënyrë sjelljeje e kanë mjaft të zakonshme. E në këto raste, çuditërisht femrat këngëtare janë paska më të dhunshme dhe më agresive mes tyre. Kjo ka bërë që edhe zënkat që ato kanë bërë me njëra-tjetrën të mbahen mend për një kohë të gjatë dhe të përfliten edhe më shumë. Në retrospektivë po kujtojmë disa prej tyre, që nga ai më i famshmi, mes Adelina Ismajlit dhe Leonora Jakupit, ai i përfoluri mes Çiljetës dhe Zajminës me çështjen e një djali, e deri tek ato më të fundit mes reperit kosovar nga Prishtina, Getoar Selimi dhe një tjetër reperi po nga Kosova, atij nga Presheva Gold AG. Gjithashtu, nuk do të lëmë pa përmendur dhe ato verbalët nëpërmjet mes Dudës, këngëtarit reper nga Gjilani i Kosovës dhe reperit tjetër, Rebel a.K.a UniKKatil.

LEONORA JAKUPI DHE ADELINA ISMAJLI

Para disa vitesh bëri bujë skandali i madh i rrahjes së dy këngëtareve të njohura të skenës kosovare, Adelina Ismajli dhe Leonora Jakupit. Një histori që ndodhi në backstage-t e një koncerti, ku bëheshin parapërgatitjet për regjistrimet e një spektakli për Vitin e Ri. Çështja u bë vërtet serioze, sepse e lënduara Leonora Jakupi, sipas saj qëndroi rreth 2 muaj në shtrat prej dëmtimeve të marra gjatë kësaj zënke. Në një intervistë të dhënë për këtë ngjarje në “Radio Kosova”, këngëtarja Leonora Jakupi u prononcua publikisht dhe nuk e cilësoi rrahje atë që kishte ndodhur mes saj dhe Adelinës, por një sulm të paramenduar ndaj saj, e gjithashtu ka shtuar se përpara këtij incidentin ka pasur dhe kërcënime të mëparshme. Ajo pretendon që është sulmuar nga Adelina së bashku me njerëzit e saj dhe se ka qenë e detyruar të qëndrojë rreth dy muaj më shtrat si pasojë e sulmit. Ajo e ka cilësuar këtë sulm, me synimin për të shkaktuar skandal e për të provokuar bujë. Çështja përfundoi në gjykatë dhe në atë kohë, Adelina ka deklaruar se gjykata e ka shpallur të pafajshme. Nga ana tjetër, Leonora deklaron se ka qenë pikërisht e ëma e saj ajo që ka kërkuar që të mbyllet ky gjyq dhe e bija të mos ketë më asnjë kontakt me Ismajlin. Në një farë mënyre i bie që Leonora ta këtë falur, por ajo pretendon se me zemër nuk e ka bërë kurrë.

ZAJMINA DHE ÇILJETA, DASHURI URREJTJE

Historia e dy këngëtareve të reja të botës së këngës shqiptare, që u lançuan të dyja në skenën e spektaklit falë një konkursi bukurie, shkaktoi shumë fjalë rreth asaj që kishte ndodhur mes tyre. Në fillimet dy këngëtaret kanë pasur mes tyre një shoqëri, prej “shoqesh të ngushta”, po më pas plasi “boom-i”... U ndanë dhe arsyeja që u përfol ishte pikërisht një mashkull... Gjithçka shumë shpjet u bë mediatike. Thashetheme për djalin dhe për zënkën mes vajzave dikur mike dhe më pas armike, mbushën shtypin rozë. Por pas disa kohësh gjithçka ndryshoi… Gjithçka kaloi në paqe dhe ato u bashkuan sërish për një koncert dhënë në qytetin e Pukës. Të dyja vajzat u bënë sërish mikesha dhe këtë gjë e bënë publike pikërisht në koncertin e organizuar në qytetin verior, mes puthjeve e përqafimeve të dhuruara nga të dyja palët. Me këtë gjest ato përcollën qartë mesazhin se sherri mes tyre, tashmë ishte një histori që i përkiste së shkuarës. Më pas, edhe pse mes tyre dukej se vazhdonte miqësia, një luftë e ftohtë vazhdojë në hije mes të dyjave, kësaj here për pamjen e tyre fizike. Zajmina u bë brune dhe gojët e ligat, gjithmonë e më shumë e theksonin faktin se bukuroshja Vastjari kërkonte t’i përgjasonte “mikes-rivale” Ciljeta . Sot duket se gjakrat janë qetësuar dhe se ajo histori është harruar fare, ato janë sërish mike, ndoshta jo më si dikur... Gjithsesi, në festën e promovimit e videoklipit “Puçi-Puçi”, një realizim i Ciljeta dhe Ingrid Gjonit, ishte e ftuar dhe këngëtarja Zajmina Vastjari.

REPERAT KOSOVAR, GETOAR SELIMI DHE GOLD AG

Këtë radhë grushtet vijnë nga meshkuj, e pikërisht nga dy reper kosovarë. Getoar Selimi, këngëtari i njohur, lideri i kompanisë së produksionit “Baba Records” dhe njëkohësisht lideri i grupit “Tingulli i 3NT”, ka shkëmbyer disa grushte me reperin nga Presheva, Gold AG. Miqtë e Getoarit tregojnë se ky i fundit nuk ka shkuar mirë dhe më parë me këngëtarin Gold AG, që këndon muzikë Undergraund dhe se zënka e ka zanafillën nga një mëri e vjetër mes dy reperave dhe është rihapur pak ditë para publikimit të albumit të fundit të “Tingulli i 3NT”. Një këngë e titulluar “Qyr”, ka qenë zanafilla e provokimit të zënkës mes dy djemve, që ka nxitur këngëtarin Gold AG të polemizojë gjatë një emisioni të zhvilluar në Tiranë. Duket se tashmë çdo gjë është sistemuar mes dy këngëtarëve nga Kosova dhe tashmë ata kanë bërë paqe me njëri-tjetrin. Kështu, pavarësisht incidentit që ka ndodhur, djemtë duket se kanë kërkuar të lënë prapa këtë episod dhe të pajtohen në mënyrë paqësore.

DUDA, NJË KËNGË ME KRITIKA KUNDREJT REBEL A.K.A UNIKKATIL

Duda, këngëtari reper nga Gjilani nuk është i njohur për karakterin e tij të qetë, duke qene se disa kohë më parë ai pati disa problemeve me policinë. Gjithsesi, në këtë rast “debati” i tij nuk ka shkuar deri në grushte, por thjesht në një këngë me kritika, të cilat i adresohen një tjetër reperi kosovar, Rebel a.K.a Uni- KKatil. Kështu, kënga e tij “Jeta jem”, përmban në vargjet e saj disa kritika për këngëtarin tjetër të së njëjtës rrymë muzikore, Rebel a.K.a UniKKatil. Shkaku i këtyre kritikave ende nuk dihet, por ndoshta ky i fundit mund t’i përgjigjet Dudës me të njëjtën mënyrë. Gjithashtu, kënga “Jeta jem” gjithmonë e më shumë po bëhet hit nëpër qytetet kosovare, sidomos në qytetin e lindjes se këngëtarit, ku fansat e tij e mbrojnë së tepërmi nëpër forume, duke ironizuar Rebel a.K.a UniKKatil.
(shqiperiacom)



Read more »