U promovua libri, Gazetari për gazetarin
Në lokalet e Hotelit Grand në Prishtinë, në praninë e një
numri të madh të mysafirëve nga lëmi i sportit, artit, kulturës,
mediave dhe biznesit, u bë promovimi i librit “Gazetari për gazetarin”.
Në ketë promovim, në mesin e mysafirëve, ishte i pranishëm edhe Ministri
i MKRS-së, Lutfi Haziri.
Gazetarit të njohur sportiv, Gani Kosumi, të martën mbrëma, i
është bërë promovimi i librit, që përfshinë 30 vitet e tija në
gazetarinë sportive, me theks të veçantë, periudhën pas pavarësimit të
sportit në Kosovë, në kohën e okupimit (1990-1999).
Fjalën e rastit e mbajti gazetari, Qani Mehmedi , i cili me disa
fjali përshkruajti kontributin e madh që Gani Kosumi i ka dhënë
gazetarisë sportive, kosovare në veçanti dhe shqiptare në përgjithësi.
Autori i këtij libri, Xhavit Kajtazi, theksoi se “libri
ka përmbajtje të hatashme, i cili me anë të shumë fotografive paraqet të
kaluarën e sportit në vendin tonë.”
Gazetari, Gani Kosumi konsiderohet si njëri nga gazetarët që i ka
kontribuar shumë gazetarisë sportive në vend, sidomos në vitet më të
vështira, ato të periudhës së okupimit.
Personazhi kryesor i këtij libri-Gani Kosumi, në fjalën e vet, ka
falënderuar Ministrinë e kulturës, rinisë dhe sportit për përkrahjen që i
ka dhënë. Në veçanti, Kosumi nuk ka anashkaluar pa falenderuar
përkrahjen më të madhe që e ka pasur nga familja.
Ndërsa Ministri i MKRS-së, Lutfi Haziri, punën e Gani Kosumit dhe
librin për te, i vlerësoj lartë dhe e përgëzoj atë për veprimtarinë e
tij të gjatë e të suksesshme.
Pas promovimit të librit, për të pranishmit u mbajt një koktej rasti,
në të cilin Gani Kosumi, për të gjithë mysafirët dhuroi nga një
ekzemplar të librit.
Mbështetje të konsiderueshme në promovimin e këtijë libri, përveq
MKRS-së , kanë dhënë edhe Shtypshkronja “Prograf” dhe “Venera 2000″ .
Read more »
